HASIERA EKITALDIA
Arriagan, astelehena 2, 20:00tan

Jon Koldo Vázquez (“Goenkale”, EiTB) izango da Zinegoak 2012 ospatzeko Arriaga Antzokian egingo den inaugurazio ekitaldia aurkeztuko duena. Dena den, ez da bakarrik egongo lan horretarako eta Eduardo-Yogurinha Borova, Oscar-Nagore Gore eta Jaime-Caprichosi·si izango ditu bere alboan barre eginarazteko.

Aurtengo ekitaldian zinematografiako sari nazionala jasotzeaz gain bere “Pa Negre” filma Oskarretan atzerriko filme onenen artean hautagai izan zuen Agustí Villaronga-ri ohorezko saria emango zaio. Saria emateko arrazoi nagusien artean, bere zinema berezia eta konbentzionalismoetatik urrun egiten duen homosexualitatearen erabilera narratiboa izan dira.

AMAIERA EKITALDIA
Bizkaia Aretoan, larunbata 11, 20:00etan

Bizkaia Aretoko Mitxelena auditorium-ean (EHU-ren areto nagusi berria, Abandoibarra ibilbidea, 3) Euskaltelen babesarekin ospatuko den ekitaldi honetarako Jon Koldo Vázquez izango dugu berriro aurkezle.

Zinegoak 2012-ko palmaresaren irakurketaz gain Antonio Naharro-ren eskutik (“Yo, también” filmaren ko-egilea, zilarrezko bi maskor eta bi Goya irabazi zituena) “Hombre a hombre” izeneko flamenko ikuskizuna ere egongo da. Naharro orain arte flamenko-aren munduan tabu izandako gai bat (homosexualitatea) inolako estridentzia gabe irudikatzeko gai izan da honakoan.

Ekitaldiaren ondoren, kopa bat edateko parada izango dugu auditorium-eko hall-ean, artista, saritu eta zinemaldiko gonbidatuekin.